प्रभासको ‘कल्की’ ले तोड्यो शाहरुख खानको ‘जवान’ को रेकर्ड

एजेन्सी । दक्षिण भारतीय अभिनेता प्रभासको चलचित्र  ‘कल्की २८९८ एडी’ ले भारतीय अभिनेता शाहरुख खानको चलचित्र ‘जवान’को कीर्तिमानलाई तोडेको छ ।   ‘कल्की’ले हालै बक्स अफिसमा नयाँ रेकर्ड बनाएको छ। 

भारतीय सञ्चार माध्यमका अनुसार  ‘कल्की’ ले घरेलु बक्स अफिसमा ४१ दिनमा ६ सय ४० करोड ३० लाख भारतीय रुपैयाँ कमाएको छ। जाँहा  ‘जवान’ले ४१ दिनमा ६ सय ४० करोड २५ लाख भारतीय रुपैयाँ कमाएको थियो। 

नाग अश्विन निर्देशित  ‘कल्की’ मा प्रभास, दीपिका पादुकोण र अमिताभ बच्चनको मुख्य भूमिका रहेको छ । यो चलचित्रले रिलिज भएको ४१ दिनमा  धेरै सुपरहिट चलचित्रको रेकर्ड तोडेको छ ।  ‘कल्की’ यस वर्षको सबैभन्दा ठूलो सुपरहिट चलचित्र साबित भएको छ ।  योसँगै  ‘कल्की’ उत्तर अमेरिकामा सबैभन्दा धेरै कमाउने  भारतीय चलचित्र बनेको छ ।