अभिनेता नागा चैतन्य र अभिनेत्री सोभिता धुलिपाला इङ्गेजमेन्ट गर्दै

एजेन्सी ।  दक्षिण भारतीय अभिनेता नागा चैतन्य र अभिनेत्री शोभिता धुलिपलाले इङ्गेजमेन्ट गर्दैछन् ।

अभिनेता नागा चैतन्यले  सोभिता धुलिपालासँग  दोस्रो बिवाह गर्न लागेका हुन् ।  नागा चैतन्यले पहिलो बिवाह अभिनेत्री सामान्था रुथ प्रभुसँग गरेका थिए । 

सामन्था रुथ प्रभुसँग सम्बन्ध विच्छेदपछि उनको  शोभितासँग प्रेम सम्बन्धमा  रहेको भारतीय सञ्चार माध्यामहरुले बताइरहेका थिए । तर, उनीहरुले भने सम्बन्धलाई गोप्य नै राख्दै आएका थिए । पछिल्लो समय यो जोडी प्रायः सँगै देखिने गरेका थिए । 

 अब उनीहरुको  इङ्गेजमेन्ट अभिनेताको आफ्नै घरमा हुनेसक्ने नजिकको स्रोतले बताएको समाचारमा उल्लेख छ ।   नागा चैतन्यका पिता नागार्जुनले यस  इङ्गेजमेन्टबारे एउटा नोट जारी गर्ने बताइएको छ । शुक्रबार इन्गेजमेन्टको तस्बिर सार्वजनिक हुन सक्ने स्रोतले बताएको छ ।