चलचित्र ‘घर नम्बर २’ मा केकी र उपासना अनुबन्धित

काठमाडौं । चलचित्र  ‘के घर के डेरा’को दोस्रो श्रृंखलाको रुपमा बन्न लागेको चलचित्र  ‘घर नम्बर २’ मा अभिनेत्री केकी अधिकारी र उपासनासिंह अनुबन्धित भएका छन् ।

दीपेन्द्र के.खनालको निर्देशनमा बन्न लागेको यो चलचित्रमा यसअघि तीन अभिनेताहरु खगेन्द्र लामिछाने, आर्यन सिग्देल र निश्चल बस्नेत मुख्य भूमिकामा अनुबन्धित भइसकेका छन् । 

दुवै अभिनेत्रीसँग निर्माताले लिखित सम्झौता गरेको निर्माण टिमले जनाएको छ ।  गत वैशाखमा ‘बोक्सीको घर’ सुपरहिट भएपछि केकीले यस चलचित्रमा काम गर्न लागेकी हुन् भने उपासनाले चलचित्र ‘खुस्मा’को छायांकन सकेपछि यो चलचित्रमा काम गर्न लागेकी हुन्।

ए प्लस इन्टरटेनमेन्ट र नटराज क्रिएसनको ब्यानरमा  निर्माण हुन लागेको यो चलचित्र शुक्रबारदेखि छायांकन जाने बताइएको छ ।