समयमै सुटिङ पूरा गर्न नसक्दा ‘पुष्पा २’ को पटकथा घटाइदैं

एजेन्सी । दक्षिण भारतीय चलचित्र  ‘पुष्पा २’  को समयमै छायांकन नसकिदा पटकथा घटाइदैं छ । भारतीय सञ्चारमाध्यमहरुका अनुसार चलचित्रका  निर्देशक सुकुमारले पटकथालाई  घटाउदैं चलचित्र छायांकन अगाडी बढाउन लागेका हुन् । 

चलचित्रका  अभिनेता  अल्लु अर्जुन छायांकनमा पुगेपछि  डिसेम्बर ६ मा चलचित्रको प्रदर्शन  हुने आशा बढ्न लागेको छ । तर, चलचित्रको पोस्ट प्रोडक्सनको धेरै काम बाँकी छ भने चलचित्रका सबै महत्त्वपूर्ण दृश्यको छायाङ्कन हुन बाँकी छ । मेकरहरू सकेसम्म चाँडै चलचित्रको छायाङ्कन सकेर अक्टोबरसम्ममा चलचित्रको पोस्ट प्रोडक्सन पूरा गर्ने योजनामा छन् । यसअघि  ‘पुष्पा २’ अगस्ट १५ मै प्रदर्शन  हुने बताइएको थियो । अब भने प्रदर्शन मिति सरेर ६ डिसेम्बरमा पुगेको छ ।

चलचित्रका निर्देशक सुकुमार र अभिनेता अल्लु अर्जुनबिच मनमुटावको खबरबिच लामो समयदेखि  ‘पुष्पा २’ को  छायाङ्कन रोकिएको हो  । सुकुमार विदेशबाट फर्किएपछि फहद फासिलले अल्लु अर्जुन नभएका सबै दृश्यको छायांकन  पूरा गरेका थिए । चलचित्र  छिट्टै सक्न अहिलेसम्म छायाङ्कन भएको दृश्य सम्पादनको साथै सुकुमारले बाँकी दृश्यको पटकथा पनि काँटछाँट गरिरहेको सञ्चार माध्यामहरुले बताइरहेका छन् । 

चलचित्रको प्रचारका लागि नोभेम्बर महिना खाली राख्न निर्माण पक्षले आफ्नो  टिमलाई निर्देशन दिएको छ ।