चलचित्र ‘नमेटिने घाउ’ को दोस्रो पोस्टर सार्वजनिक,  पोस्टरमा माधव नेपाल

काठमाडौं ।  अभिनेता रमित ढुङ्गानाको  निर्देशन तथा निर्माण बनेको चलचित्र  ‘नमेटिने घाउ’ को दोस्रो पोस्टर सार्वजनिक भएको छ । जसमा पूर्व प्रधानमन्त्री माधव कुमार नेपालसहित चलचित्रका मुख्य कलाकारहरू देखिएका छन्।

यसअघि सार्वजनिक भएको पोस्टरमा प्रधानमन्त्री केपी शर्मा ओली समावेश रहेक थिए । सत्य घटनामा आधारित  चलचित्र  ‘नमेटिने घाउ’ आगामी भदौ ७ गते प्रदर्शनमा आउने तय भएको छ। एसिड सर्भाइभरहरुको वास्तविक जीवनीमा आधारित छ । चलचित्रमा एसिड आक्रमणमा परेका ३३ जना पीडितहरूको कथालाई समेटेर बनाइएको छ । चलचित्रमा शिवं अधिकारीको कथा रहेको छ । 

चलचित्रमा प्रधानमन्त्री केपी शर्मा ओली र पूर्व प्रधानमन्त्री माधव नेपालले विशेष भूमिका निभाएका छन्। साथै, प्रहरी उपरीक्षक द्वय बालनर सिंह राणा र कुमुद ढुङ्गेल, प्रहरी निरीक्षक जेआर शर्मा लगायत दुई सय भन्दा बढी प्रहरी कर्मचारीहरूको अभिनय पनि रहेको निर्माण टिमले बताएको छ । 

रमित ढुङ्गाना फिल्म प्रोडक्शनको ब्यानरमा निर्माण भएको यस चलचित्रमा नीरज कँडेलको छायाङ्कन, बनिश शाहको सम्पादन, ओम सुनारको सङ्गीत र किरण ढकालको एक्सन रहेको छ।