चलचित्र ‘सन अफ सरदार २’ को छायांकन सुरु

 एजेन्सी । भारतीय चलचित्र ‘सन अफ सरदार २’ को छायांकन सुरू भएको छ । 

भारतीय अभिनेता अजय देवगनले चलचित्र सन अफ सरदार २ को छायांकन सुरू भएको बताएका हुन् । चलचित्र सेटको एक भिडिओ अभिनेता देवगनले सामाजिक सञ्जालमा सार्वजनिक गर्दै चलचित्रको छायांकन बारे जानकारी दिएका हुन् । उनले सार्वजनिक गरेको भिडिओमा चलचित्र मुहूर्तको केही क्लिप देखाइएको छ । जसमा अभिनेत्री मृणाल ठाकुर पनि देखिएकी छन्। 

चलचित्रमा  देवगन सँगै, जूही चावला, सञ्जय दत्तलगायत कलाकारको मुख्य भूमिका रहने छ । सन अफ सरदार एसएस राजामौली निर्देशित चलचित्र रमन्ना को हिन्दी रिमेक हो। सन अफ सरदार सन् २०१२ मा प्रदर्शन भएको थियो। 

 जसको १२ वर्षपछि सिक्वेल आउँदैछ।