काभा महिला भलिबलमाको फाइनलमा आज नेपालले भारतसँग खेल्दै

काठमाडौं । काभा महिला भलिबल नेसन्स लिगको फाइनल खेल बुधबार हुँदैछ । मंगलबार भएको दोस्रो सेमिफाइनलमा इरानलाई ३–० को सोझो सेटमा हराउँदै नेपाल फाइनलमा पुगेको हो । उपाधिका लागी बुधबार नेपाल र भारत भिड्दैछन् । 

त्रिपुरेश्वरस्थित दशरथ रंगशालाको कभर्डहलमा भएको मंगलबार भएको सेमिफाइनल खेलमा नेपालले इरानमाथि पहिलो सेटमा २५–२१, दोस्रो सेटमा २८–२६ र तेस्रो सेटमा २५–२० को जित निकाल्यो । मंगलबार नै भएको पहिलो सेमिफाइनलमा श्रीलंकालाई सोझो सेटमा हराउँदै भारत फाइनलमा पुगेको हो । 

यसैबीच, नेपाली भलिबल टोलीकी कप्तान अरुणा शाहीले फाइनलमा भारतसँग आफ्नो टोलीले झनै राम्रो खेल्ने विश्वास व्यक्त गरेकी छन् । यसअघि समूह चरणको खेलमा नेपालले भारतलाई पराजित गरेको थियो । फाइनल खेल बुधबार साँझ ५ बजे हुनेछ । 

त्यसअघि इरान र श्रीलंका तेस्रो स्थानका लागि बुधबार दिउँसो २ बजे प्रतिस्पर्धा गर्नेछन् ।