सुनको मूल्य तोलामा  २ हजार ३ सय रुपैयाँले घट्यो

काठमाडौं । सोमबार कीर्तिमान कायम गरेको सुनको मूल्य मंगलबार तोलामा  २ हजार ३ सय रुपैयाँले घटेको छ ।

नेपाल सुनचाँदी व्यवसायी महासङ्घका अनुसार, सोमबार प्रतितोला १ लाख ५० हजार कायम भई  हालसम्मकै उच्च बिन्दुमा पुगेको छापावाला सुनको मुल्य मंगलबारका लागि प्रतितोला  १ लाख ४७ हजार ७ सय रुपैयाँ निर्धारण भएको छ । 

तेजाबी सुन प्रतितोला १ लाख ४७ हजाररुपैयाँ कायम भएको छ । सोमबार तेजाबी सुन प्रतितोला  १ लाख ४९ हजार ५ सयमा कारोबार भएको थियो ।

यस्तै, चाँदीको मूल्य पनि तोलामा ६० रुपैयाँले घटेको छ । सोमबार चाँदी प्रतितोला  १ हजार ७ सय ८५ मा कारोबार भएकामा मंगलबारका लागि  १ हजार ७ सय २५ रुपैयाँ  निर्धारण भएको छ ।