शो नपाएर स्थगन भएको चलचित्र ‘बुलाकी’ पुन: प्रदर्शनमा, ट्रेलर सार्वजनिक

काठमाडौं । गत वर्षको बैशाखमा प्रदर्शन  भएको चलचित्र  ‘बुलाकी’लाई  पुन: प्रदर्शन गरिने भएको छ ।  एकसाथ प्रदर्शनमा आएको चलचित्र  ‘जारी’का कारण पर्याप्त शो नपाएपछि  निर्माताले चलचित्रलाई दुई दिनमै हलबाट उतारेका थिए । अब यही साउन ३२ गतेबाट चलचित्रलाई प्रर्दशन गरिँदैछ । यसैबिच सोमबार काठमाडौंका एक कार्यक्रमका बीच ट्रेलर सार्वजनिक  गरिएको छ । 

 ट्रेलरमा रोजगारीका लागि गएका श्रीमान् (नरेन खड्का) को पखाईमा बसेकी हिरा (सुरक्षा पन्त) को एक युवक (विराज विष्ट) सँग प्रेम बस्छ । र, उनीहरुले भागेर विवाह गर्छन् । त्यसपछि पूर्व श्रीमानले जारी तिराएको विषयलाई ट्रेलरमा समेटिएको छ । र, कर्णालीको ग्रामीण जीवन र महिलाको दुःखलाई पनि ट्रेलरले देखाइएको छ । 

लक्ष्मण सुनारको निर्देशनमा बनेको ‘बुलाकी’मा रमेश बुढाथोकी, लक्ष्मी गिरी, सुशील पोखरेल, कुलदीप अधिकारी, धनबहादर राई, लक्ष्मण देवकोटा, झलनाथ खत्री, सोनु सेढाइ, प्रकाश कँडेल लगायतको पनि अभिनय छ । टोपेन्द्र विष्ट निर्माता र शिवराज पौडेल कार्यकारी निर्माता रहेको यो चलचित्रमा शिव ढकालको छायांकन, राजबहादुर सानेको लेखन तथा चलचित्र चौतारीको सम्पादन छ ।