काभा महिला भलिबलमाको सेमिफाइनलमा आज नेपालले इरानसँग खेल्दै

काठमाडौं । काभा महिला भलिबल नेसन्स लिगको सेमिफाइनलमा नेपालले मंगलबार इरानसँग प्रतिष्पर्धा गर्ने भएको छ । पाँच राष्ट्र सहभागी प्रतियोगिताको लिगमा दोस्रो भएपछि नेपालले इरानलाई प्रतिद्वन्द्वी पाएको हो । 

लिगमा पहिलो भएको भारतले भने लिगको चौथो स्थानको श्रीलंकासँग खेल्ने तय भएको छ । नेपाललसँग मंगलबारको खेलमा इरानलाई हराएर बदला लिने अवसर रहेको छ । यसको लागि टिम तयार रहेको छ । सोमबार नै भएको पहिलो  खेलमा भारतले श्रीलंकालाई २५—१३, २५—२१, २५—२० ले हराएको थियो । तेस्रो जितसँगै भारत १० अंक सहित शिर्षस्थानमा रहन सफल भयो । लिग चरणको अन्तिम खेलमा माल्दिभ्सलाई २५–८, २५–१९ र २५–१८ को सेटमा हराएको नेपाल ९ अंकसहित दोस्रो भयो । श्रीलंका चार अंक जोडेर चौथो हुँदा अंकबिहिन माल्दिभ्स पाँचौ हुँदै लिग चरणबाटै बाहिरियो । 

मंगलबार अपराह्न ३ बजे भारत र श्रीलंकाबीच तथा साँझ ५ बजे नेपाल र इरानबीच सेमिफाइनल खेल हुनेछ ।