श्रीलंकालाई सोझो सेटमा हराउँदै भारत काभा महिला भलिबलको शीर्ष स्थानमा

काठमाडौ । श्रीलंकालाई ३–० को सोझो सेटमा हराउँदै भारतले काभा महिला भलिबल नेसन्स लिगको समूह चरणमा शीर्ष स्थान पक्का गरेको छ । सोमबार त्रिपुरेश्वरस्थित राष्ट्रिय खेलकुद परिषद् (राखेप) परिसरको कभर्डहलमा भारतले श्रीलंकाविरुद्ध पहिलो सेट २५–१३ ले सहजै जितेको थियो । दोस्रो र तेस्रो सेटमा श्रीलंकाले सुधारिएको प्रदर्शन गरे पनि हार टार्न सकेन । दोस्रो सेटमा भारतले श्रीलंकालाई २५–२१ र तेस्रो सेटमा २५–२० ले पराजित ग¥यो । जितसँगै चार खेलबाट १० अंक जोडेको भारत तालिकाको शीर्ष स्थानमा छ । समान खेलबाट चार अंकको श्रीलंका चौथो स्थानमा छ । तालिकाको दोस्रो स्थानमा इरान र तेस्रोमा नेपाल छ । प्रतियोगिताअन्तर्गत दोस्रो खेलमा नेपाल र माल्दिभ्सबीच प्रतिस्पर्धा हुनेछ ।