‘नमेटिने घाउ' को पोस्टर सार्वजनिक, पोस्टरमा प्रधानमन्त्री ओली

काठमाडौं । अभिनेता रमित ढुङ्गानाको  निर्देशन तथा निर्माण रहेको सत्य घटनामा आधारित चलचित्र ‘नमेटिने घाउ' को पोस्टर सार्वजनिक गरिएको छ ।

निर्देशक ढुंगानाले सोमबार पोस्टर सार्वजनिक गरेका हुन् । पोस्टरमा प्रधानमन्त्री ओली सहित अन्य कलाकार पनि रहेका छन् । 

चलचित्रको सार्वजनिक पोस्टरमा प्रधानमन्त्री केपी शर्मा ओली ,प्रहरी उपरीक्षकद्वय बाल नर्सिह राणा र कुमुद ढुंगेल, प्रहरी निरीक्षक जेआर शर्मा लगायत चलचित्रका मुख्य कलाकारहरूलाई देख्न सकिन्छ  । चलचित्रमा एसिड आक्रमणमा परेका ३३ जना पीडितहरूको कथालाई समेटेर बनाइएको छ । चलचित्रमा शिवम् अधिकारीको कथा रहेको छ ।

चलचित्रमा नीरज कँडेलको छायाङ्कन, बनिश शाहको सम्पादन ,ओम सुनारको सङ्गीत र किरण ढकालको एक्सन रहेको छ । चलचित्र भदौ ७ गते बाट प्रदर्शनमा आउने भएको छ ।