काभा महिला भलिबलमा आज नेपालले माल्दिभ्ससँग खेल्दै

काठमाडौं । काभा महिला भलिबल प्रतियोगितामा आज नेपालले माल्दिभ्ससँग खेल्दैछ । खेल आज दिउँसो सवा ३ बजे सुरु हुनेछ । नेपालले भारत र श्रीलंकालाई जितेको छ भने इरानसँग पराजित भएको छ ।

यस्तै, माल्दिभ्स भने सबै खेलमा पराजित छ । सात अंकसहित भारत शीर्ष स्थानमा रहँदा समान ७ अंक नै रहेको इरान दोस्रो स्थानमा छ । नेपाल ६ अंकसहित तेस्रो स्थानमा छ । शीर्ष स्थानमा रहने टिमले चौथो स्थानको टिमसँग प्रतिस्पर्धा गर्नेछ भने दोस्रो र तेस्रो टोली एक आपसमा भिड्नेछन् । 

नेपाल, भारत, इरान र श्रीलंका सेमिफाइनलमा पुगिसकेका छन् । माल्दिभ्स भने एक खेल बाँकी छँदै प्रतियोगिताबाट बाहिरिसकेको छ । आजको खेल भारतले जितेको खण्डमा नेपालले इरानसँग प्रतिस्पर्धा गर्नुपर्ने हुन्छ भने भारत पराजित भएको खण्डमा समीकरणमा फेरबदल हुन सक्नेछ ।।