सुदूरपश्चिमका मुख्यमन्त्री शाहले आज शपथ लिँदै

काठमाडौं । सुदूरपश्चिम प्रदेशका मुख्यमन्त्री कमलबहादुर शाहले आज शपथ लिँदैछन् ।

आइतबार दोस्रो पटक मुख्यमन्त्री बनेका शाहले आज अपराह्न ४ बजेपछि शपथ ग्रहण गर्ने भएका छन् । 

सुदूरपश्चिममा आजै मन्त्रिपरिषदलाई पनि पूर्णता दिने तयारी छ । मन्त्रीहरूलाई पनि मुख्यमन्त्रीसँगै शपथ ग्रहण गराउने तयारी रहेकाले शपथ ग्रहण कार्यक्रम केही ढिला राखिएको हो ।

कांग्रेस र एमालेबीच मन्त्रालय भागबन्डामा टुंगो पनि लागिसकेको छ । सात सदस्यीय मन्त्रिपरिषदमा कांग्रेसलाई मुख्यमन्त्रीसहित तीन, एमालेलाई तीन र नागरिक उन्मुक्ति पार्टीलाई एउटा मन्त्रालय दिने सहमति भएको छ ।