चलचित्र ‘देवी’ को टिजर सार्वजनिक

काठमाडौं । आगामी भदौ २१ गतेबाट प्रदर्शनमा आउन लागेको चलचित्र ‘देवी’को टिजर सार्वजनिक  भएको छ । 

निर्देशक  सञ्जोग राईको निर्देशनमा रहेको चलचित्र क्राइम थ्रिलर जनरामा निर्माण भएको  छ । चलचित्रमा नाबालिक बलात्कारको घटनालाई टिजरमा देखाइएको छ । पीडितको बयान र स्केच तयार हुँदा पनि निरीह बनेको प्रहरी र बलात्कारीको हत्या गर्दै हिँड्ने पात्रको कथामा चलचित्र केन्द्रित रहेको टिजरले  स्पष्ट देखाएको छ । 

चलचित्रमा निर्देशक राई र अजय गौतमको संयुक्त लेखन रहेको छ । एक्जिबिट स्टुडियोले ‘कबड्डी’ निर्माण कम्पनी बाँसुरी फिल्म्ससँग सहकार्य गरेको चलचित्रमा  शिल्पा मास्के, गौरव पहारी, नाजिर हुसेन, टीका पहारी, ध्रुब कोइराला, विशाल पहारी, निरु खड्का, जीवन जंग खड्का, निरिक्षा घतानी आदिको अभिनय छ ।

रेमन गुरुङ, नारायण राई र सञ्जोग राईको निर्माण रहेको चलचित्रको कार्यकारी निर्मातामा जावेद खान तथा सह निर्माताहरुमा उजेन नोर्वे गुरुङ, मिलन लामा, शिल्पा मास्के र नारायण गुरुङ छन् ।