रोल्पामा पहिरोले घर पुरिदा २ जनाको मृत्यु

रोल्पा । रोल्पामा पहिरोले घर पुरिदा २ जनाको मृत्यु भएको छ ।

शुक्रबार राति सुनछहरी गाउँपालिका–४ कामी डाँडामा पहिरो जाँदा २४ वर्षीय देउसिंह कामीको घर पहिरोले पुरिदा २ जनाको मृत्यु भएको जिल्ला प्रहरी कार्यालय रोल्पाले बताएको छ । पहिरोले घर पुरिदा घरमा रहेका देउसिंहकी आमा करिब ६५ वर्षीया बसना सुनार र ४ वर्षीया छोरी माया सुनारको मृत्यु भएको हो ।

उनीहरुको शव पोस्टमार्टमका लागि जिल्ला अस्पताल लगिएको जिल्ला प्रहरी कार्यालयले जनाएको छ । घटनाबारे स्थानीयले प्रहरी चौकी सिउरीलाई शुक्रबार राति करिब १० बजेतिर जानकारी गराएका थिए । देउसिंह भने कामको शिलशिलामा बाहिर गएकाले जोगिएको प्रहरीले जनाएको छ ।