रोल्पामा पहिरोले घर पुरिदा २ जनाको मृत्यु

रोल्पा । रोल्पामा पहिरोले घर पुरिदा २ जनाको मृत्यु भएको छ । शुक्रबार राति सुनछहरी गाउँपालिका – ४ कामी डाँडामा पहिरो जाँदा २४ वर्षीय देउसिंह कामीको घर पहिरोले पुरेको हो । 

पहिरोले घर पुरिदा २ जनाको मृत्यु भएको जिल्ला प्रहरी कार्यालय रोल्पाले जनाएको छ ।  घरमा रहेका देउसिंहकी आमा करिब ६५ वर्षीया बसना सुनार र ४ वर्षीया छोरी माया सुनारको मृत्यु भएको र पुरिएको अबस्थामा शब निकालिएको जिल्ला प्रहरी कार्यालय रोल्पाका सूचना अधिकारी प्रहरी निरीक्षक केशव राज बराकोटिले जानकारी दिए । 

शब पोस्टमार्टमका लागि जिल्ला अस्पताल लगिएको छ ।  घटनाबारे स्थानीयले प्रहरी चौकी सिउरीलाई शुक्रबार राति करिब १० बजेतिर जानकारी गराएका थिए । देउसिंह भने कामको शिलशिलामा बाहिर रहेकाले जोगिएको प्रहरीको भनाइ छ ।