चलचित्र ‘रावायण’ को टिजर सार्वजनिक

काठमाडौं । नेपाली चलचित्र ‘रावायण’को टिजर सार्वजनिक भएको छ ।

चलचित्र निर्देशक सुदर्शन थापाले निर्देशन गरेको  चलचित्रमा  पल शाह, पूजा शर्मा, प्रियंका कार्की, प्रमोद अग्रहरि, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल, रोजिता पराजुली लगायतको अभिनय रहेको छ ।

सुदर्शन थापा प्रोडक्शन र पूजा शर्मा प्रोडक्शनको संयुक्त ब्यानरमा बनेको चलचित्रमा  निर्माता पूजा शर्मा रहेकी छन् भने सुशन पाठक कार्यकारी निर्माता हुन् । 

चलचित्रको टिजरमा नायक पल शाहको एक्सनलाई प्राथमिकता दिइएको छ । दाह्री र जुँगाको फरक लुक्समा  देखिएका पलले अन्यपात्रसँग  गरेको द्वन्द्वलाई टिजरमा देखाइएको छ । 

चलचित्र भदौ २१ गतेबाट प्रदर्शनमा आउने भएको छ ।