शाहरूख खान आँखाको उपचारका लागि अमेरिका जाँदै

एजेन्सी  । भारतीय अभिनेता साहरुख खान मोतियाबिन्दुका कारण उपचारका  लागि अमेरिका जाने भएका छन् । 

भारतीय सच्चारमाध्यामहरुका  अनुसार चिकित्सकहरुले उनको आँखामा मोतियाबिन्दुको समस्या रहेको  बताएका छन् । 

केही दिनदेखि अस्पताल धाइरहेका  उनले २९ जुलाईमा आफ्नो आँखाको सर्जरी भारतका नै गराएका थिए। तर सर्जरी सफल नभएका कारण  अब उनी आफ्नो आँखाको सर्जरी गर्न अमेरिका जाने तयारीमा   रहेको  बताइएको छ । 

शाहरूखको दुवै आँखामा मोतियाबिन्दु  छ भनिए पनि  अहिलेसम्म यस विषयमा उनी वा उनको टिमबाट कुनै औपचारिक पुष्टि भएको छैन।

शाहरूखले  मुम्बईको एचएन रिलायन्स फाउन्डेशन अस्पताल र अनुसन्धान केन्द्रमा आफ्नो आँखाको उपचार गराएका थिए।

शाहरुखको अन्तिम फिल्म ‘डंकी’’ गत वर्ष डिसेम्बरमा रिलिज भएको थियो । हाल अभिनेता आफ्ना छोरी  सुहाना र छोरा आर्यनको डेब्यु प्रोजेक्टमा काम गरिरहेका छन् । शाहरुख र सुहाना फिल्म ‘किंग’ मा सँगै देखिनेछन् ।

शाहरुख आउँदो अगस्ट ७ र ८ मा स्विजरल्याण्ड जाने चर्चा पनि भइरहेको  छ ।