आक्रमणकारी बाघ खोज्न हात्ती परिचालन

कञ्चनपुर । कञ्चनपुरको दोधारा चाँदनी नगरपालिका –२ मा बिहीबार महिलालाई आक्रमण गरेर उखुबारीमा लुकेको बाघ खोज्न हात्ती परिचालन गरिएको छ ।   शुक्लाफाँटा राष्ट्रिय निकुञ्जका ४ वटा हात्तीको सहयोगमा बाघको खोजी भइरहेको हो।

बिहिबार बाघको आक्रमणमा परी दोधारा चाँदनी नगरपालिका–२ की २३ वर्षीया हिरा शाहको मृत्यु भएको थियो । जिल्ला प्रहरी कार्यालयका प्रवक्ता एवं प्रहरी नायव उपरीक्षक उमेश जोशीका अनुसार शाह उखुबारीमा आज मृत फेला परेकी थिईन।

खेतमा धान गोड्ने बेला बाघले उनलाई आक्रमण गरेको प्रहरीले जनाएको छ ।  

रासस