बाढी बस्तीमा पसेपछि कुश्माका चालिस घर परिवार जोखिममा

पर्वत । निरन्तरको बर्षाले पर्वतको कुश्माका चालिस घर परिवार जोखिममा परेका छन । कुश्मा नगरपालिका–४  जिरो किलोमिटमा रहेका दलित बस्तीका घरहरु जोखिममा परेका हुन । आकस्मिक रुपमा भएको भारी बर्षापछिको गजौटे खोलाको बाढी बस्तीमा पसेपछि स्थानीयको विचल्ली भएको छ । 
स्थानीयलाई उद्धार गरिएपनि घरहरुमा भने बाढी पसेर ठुलो क्षति पुगेको छ । नारायणस्थान वस्तीका ४० घरमध्ये गंगाराज परियार, वीर वहादुर परियारको घर बस्ने नसक्ने अवस्थामा पुगेको छ । बाढीले केही समय मध्य पहाडी राजमार्ग समेत अबरुद्ध भएको थियो । कुश्मा  ४ मा  डम्डारे खोला र गजौटे खोलाको व्यवस्थापन नगरी कुश्मा दुर्लुङ सडक निर्माण गरिदा बाढी आएको स्थानीयको गुनासो छ ।