एभिन्यूज डिजिटलको सम्पादकको रुपमा सापकोटा नियुक्त

काठमाडौं । एभिन्यूज खबरले एभिन्यूज डिजिटलको सम्पादकको रुपमा रामेश्वर सापकोटालाई नियुक्त गरेको छ । एभिन्यूज डिजिटल मार्फत सञ्चालन हुने बेवसाइटका साथै सामाजिक सञ्जालहरुको जिम्मेबारी हेर्ने गरी सापकोटालाई सम्पादक नियुक्त गरिएको हो । आज एभिन्यूज खबरमा स्वागत गर्दै एभिन्यूज नेटवर्कका अध्यक्ष भास्करराज राजकर्णिकारले विदेशमा रहेका एक करोड नेपालीलाई लक्षित गरेर एभिन्यूज डिजिटलले काम गर्ने बताए । सम्पादक सापकोटाले एभिन्यूज डिजिटल माध्यमलाई लोकप्रिय बनाउन आफुले पहल गर्ने बताए । 
सापकोटासँग दुई दशक लामो पत्रकारिताको अनुभव रहेको छ । उनले यसअघि नेपाल टेलिभिजनको अर्थको अर्थ, माउन्टेन टीभी, इमेजखबर लगायतमा सम्पादकीय जिम्मेबारी पुरा गरिसकेका छन ।