नवलपरासीवाट एक करोड भन्दा बढी मुल्य बराबरको गाजा बरामद

नवलपरासी । प्रहरीले नवलपरासीवाट एक करोड भन्दा बढी मुल्य बराबरको गाजा बरामद गरेको छ । देवचुली नगरपालिका बडा नम्बर दुई रजहरस्थित हमाल चोकवाट प्रहरीले एक ट्रक गाँजा सहित दुई जनालाई नियन्त्रणमा लिएको छ । पक्राउ पर्नेमा चितवन राप्तीका मदन लामा र सन्तोष लामा  रहेका छन । चोरमारावाट चितवनतर्फ आउदै गरेको भारतीय नम्बर प्लेटको ट्रकमा २२ बोरा गाजा बरामद भएको हो । दश किलोको ७२ वटा प्याकेट बनाइएको अवस्थामा सात सय ६९ किलो गाजा प्रहरीले बरामद गरेको हो । ट्रकका चालक भारतीय नागरिक भने फरार रहेकाले खोजी भैरहेको प्रहरीले जनाएको छ । पक्राउ परेका दुबै जनालाई प्रहरीले हिरासतमा राखेर थप अनुसन्धान गरिरहेको छ ।