०८०÷०८१ मा पर्वतमा ७३ जना मानिस बेपत्ता भएकोमा अझै १९ जनाको अवस्था अज्ञात

आर्थिक वर्ष  ०८०÷०८१ मा पर्वतमा ७३ जना मानिस बेपत्ता भएकोमा अझै १९ जनाको अवस्था अज्ञात रहेको छ । अघिल्लो आर्थिक बर्षमा हराएका मध्ये ५४ जना फेला परेपनि १९ जना फेला नपरेका हुन । हराएकामध्ये १० जना पुरुष र नौ जना महिलाको अवस्था अझै पनि अज्ञात रहेको प्रहरीले जनाएको छ । 
गत आर्थिक वर्षमा जिल्ला प्रहरी कार्यालय पर्वतमा कुल एक सय ३२ वटा विभिन्न शीर्षकमा मुद्दा दर्ता भएका छन ।  तिमध्ये कर्तव्य ज्यानमा तीन, भवितव्य ज्यानमा १७, फुटकर ज्यानमा २३ वटा, झुन्डिएका ४१ वटा घटना छन । दर्ता भएकामध्ये ४७ वटा मुद्दाको फर्स्यौट भइसकेको छ भने ८५ वटा मुद्धाहरू फर्स्यौट हुन बाँकी छन । मुद्दाहरूमा ६६ जना आरोपी पक्राउ परेका छन ।।