प्रसिद्ध कथा वाचिका देवी प्रतिभालाई उनकै गृह जिल्ला काभ्रेमा सम्मान

अध्यात्मिक कार्यबाट स्वदेश तथा विदेशमा प्रसिद्ध कमाएकी अन्तर्राष्ट्रिय कथा वाचिका देवी प्रतिभा अर्थात प्रतिभा पराजुलीलाई उनकै गृह जिल्ला काभ्रेमा सम्मान गरिएको छ । काभ्रे सेवा समाज र पनौती नगरपालिकाले उनलाई सम्मान गरेका हुन । सम्मानमा क्रममा उनले ऐतिहासिक धार्मिक स्थल काभ्रेको पनौतीको महत्वका बारेमा देशविदेशका ठाउँमा प्रचारप्रसार गर्ने बताइन । 
कार्यक्रममा रामशरण भण्डारीले अन्तर्राष्ट्रिय जगतमा नेपाललाई चिनाउन सफल  काभ्रेकै छोरी प्रतिभालाई पनौतीमा सम्मान गर्न पाउनु गर्वको विषय भएको बताए । 
देवी प्रतिभाले पनौतीका धार्मिकस्थलहरु, मुक्तिनाथ मन्दिर, इन्द्रेश्वर महादेवको मन्दिर, त्रिवेणीघाटलगायतको दर्शन र अवलोकन समेत गरेकी थिइन । उनलाई आज मण्डनदेउपुरमा पनि स्वागत, अभिनन्दन र सम्मान गरिदैछ । मण्डनदेउपुर नगरपालिका वडा नम्बर–१० ज्वानेटारमा २०५८ पुस १८ गते जन्मिएकी प्रतिभा पराजुली विगत एक दशकदेखि भारतको बृन्दावनमा अध्ययन गर्दै आएकी छिन ।