गोरखाको रिसामा पहिरो जाँदा ५ जना बेपत्ता

गोरखाको धार्चे गाउँपालिका वडा नम्बर ५ रिसामा पहिरो जाँदा ५ जना बेपत्ता भएका छन् । अन्य २ जना घाइते भएका छन् । आज बिहान करिब तीन बजेतिर पहिरो जादा एउटा घर र एउटा कृषि फर्म पुरिँदा ५ जना बेपत्ता भएका हुन । घटनबारे खबर प्राप्त हुनासा बेपत्ताहरूको खोजी तथा घाइतेको उद्धारका लागि नेपाली सेना, सशस्त्र प्रहरी, नेपाल प्रहरी र स्वास्थ्यकर्मीको टोली परिचालन भएको छ । मौसम प्रतिकुल भएको बाटो खराब भएका कारण बेपत्ताहरूको खोजीमा समय लाग्ने बताइएको छ । हालसम्म बेपत्ता भएका र घाइते भएकाहरूको पहिचान खुल्न सकेको छैन । खोर्लाबेसीबाट नेपाली सेना र आरुघाटबाट सशस्त्र प्रहरीको टोली परिचालन भएको छ ।।