निर्मला पन्तको बलात्कारपछि हत्या भएको आज ६ वर्ष पूरा ।

कञ्चनपुरको भीमदत्त नगरपालिका–२ उल्टाखामकी १३ वर्षीया बालिका निर्मला पन्तको बलात्कारपछि हत्या भएको आज ६ वर्ष पूरा भएको छ । आज भन्दा ठिक ६ वर्षअघि २०७५ साउन १० गतेका दिन साथी रोशनी बमको घर गएकी बालिका निर्मला पन्तको शव त्यसको भोलिपल्ट बिहान सालघारीको खोला किनारमै उखुबारीमा फेला परेको थियो ।

बालिका निर्मला पन्तको बलात्कारपछि हत्या भएको ६ वर्ष पूरा भइसक्दा समेत घटना अझै रहस्यमै रहेको छ । अझै वास्तविक अपराधी को भन्ने पत्ता लगाउन सकिएको छैन । घटनाबारे सूक्ष्म ढंगले विभिन्न कोणबाट प्रहरीले अनुसन्धान गरिरहेको प्रहरीले बताउदै आएको छ । निर्मलाको परिवारले अब अपराधी पत्ता लाग्ला भन्ने आश नै मारेका छन ।