हुम्लामा कस्तुरीको विनासहित एकजना पक्राउ

हुम्ला प्रहरीले कस्तुरीको विनासहित एकजनालाई प्रहरीले पक्राउ गरेको छ । पक्राउ पर्नेमा नाम्खा गाउँपालिका–२ का ४२ वर्षिय कन्जोक तामाङ रहेका छन । सिमकोट गाउँपालिका–६ स्थित तामाङको घरबाट ३ सय ४९ ग्राम कस्तुरीको विना बरामद भएको हो । बरामद गरिएको कस्तुरीको विनाको अनुमानित मुल्य  ११ लाख रुपैयाँ रहेको छ । बरामद गरिएको कस्तुरीको विना र तामाङलाई डिभिजन वन कार्यालय हुम्लालाई बुझाइने प्रहरीको भनाइ छ । जिल्ला प्रहरी कार्यालय हुम्लाका प्रहरी नायब उपरीक्षक रविन्द्र खनालले तामाङ दिल्ली हुँदै साउन –१ गते बेलुकी सिमकोट पुगेकाले तस्करी गर्न लागेको आशंकामा थप अनुसन्धान भैरहेको बताए ।