अमेरिकाका पूर्वराष्ट्रपति ट्रम्पमाथि पुनः आक्रमणको प्रयास

अमेरिकाका पूर्वराष्ट्रपति डोनाल्ड ट्रम्पमाथि पुनः आक्रमणको प्रयास भएको छ । मंगलबार रिपब्लिकन नेसनल पार्टीको अधिवेशनमा सहभागी हुन पुगेका ट्रम्पका लागि सुरक्षा व्यवस्था कडा पारिए पनि आक्रमणको प्रयास भएको अमेरिकी सुरक्षा अधिकारीले जनाएका हुन । अनौठो पहिरन र मास्क लगाएर एउटा ब्यागसहित अधिवेशनस्थल प्रवेश गर्न लागेका २१ वर्षीय युवकवाट प्रहरीले एके–फोर्टी सेभेन र गोली बरामद गरेको हो । प्रहरीले ति व्यक्तिलाई पक्राउ गरेको छ । त्यसैगरी अधिवेशन स्थलभन्दा केही मिटर बाहिर दुई वटा चक्कु लिएर घुमिरहेका अर्का व्यक्ति भने प्रहरीको गोली प्रहारबाट मारिएका छन् । सुरक्षाकर्मीले सो व्यक्तिलाई चक्कु फाल्न भने पनि नमानेपछि प्रहरीले गोली चलाएको हो । पेन्सिलभेनियामा गत शनिबार भएको चुनावी सभामा ट्रम्पमाथि गोली प्रहार भएको थियो । उक्त हत्या प्रयासको विषय नसेलाउँदै ट्रम्पलक्षित पुनः आक्रमणको प्रयासले अमेरिकी सुरक्षा व्यवस्थामाथि नै चुनौती थपिदिएको छ । इरानको योजनामा पेन्सिलभेनियामा ट्रम्पको हत्याको प्रयास भएको अमेरिकी राष्ट्रिय सुरक्षा अधिकारीहरुले आरोप लगाएका छन । इरानले भने अमेरिकी आरोप खारेज गरेको छ । अमेरिकी सञ्चारमाध्यमले लगाएको दुर्भावनापूर्ण आरोपलाई इरानले अस्वीकार गरेको हो । तेहरानले सन् २०२० मा अमेरिकी ड्रोन हमलामा रिभोलुसनरी गार्ड्सका कमान्डर कासिम सुलेमानीको हत्याको बदला लिने धम्की दिएपछि अमेरिकी राष्ट्रिय सुरक्षा परिषदले वर्षौँदेखि इरानमाथि निगरानी राखेको बताएको छ ।।