राफेल नाडाल युएस ओपनको मुख्य ड्र प्रवेश सूचीमा

चार पटकका च्याम्पियन राफेल नाडाल युएस ओपनका लागि सार्वजनिक गरिएको मुख्य ड्र प्रवेश सूचीमा परेका छन् ।  ३८ वर्षीय स्पेनी खेलाडीले अगस्ट २६ देखि सुरु हुने प्रतियोगितामा कोर्ट उत्रने गरी नवौं वरियता प्राप्त गरेका छन् । २२ पटकका ग्रान्डस्लाम विजेता नाडालले मंगलबार नर्डिया ओपनमा लियो बोर्गलाई पराजित गर्दै मे २७ पछि पहिलो एकल खेल खेलेका हुन । पेरिसमा भएको रेड क्लेमा एलेक्जेन्डर ज्वेरेभसँग पहिलो राउन्डमा पराजित भएयता नाडालले खेलेका थिएनन । सन् २०१९ मा न्युयोर्कको हार्डकोर्टमा चौथो पटक उपाधि जितेपछि नाडालले २०२२ मा एक पटक मात्र युएस ओपन खेलेका छन् । नाडालले सन् २०१० मा युएस ओपन जितेर करियरको ग्रान्डस्लाम पूरा गरेका थिए भने सन् २०१३, २०१७ र २०१९ मा युएस ओपनको उपाधि थपेका थिए । उनी सन् २०२२ मा चौथो चरणमा पुगेका थिए तर त्यसयता उनले दुई पटक मात्र ग्रान्डस्लाम खेलेका छन ।।