ठमेलबाट ठुलो परिणाममा लागु औषध कोकिनसहित विदेशी महिला पक्राउ

ठमेलस्थित एक होटलबाट ठुलो परिणाममा लागु औषध कोकिनसहित एक विदेशी महिला पक्राउ परेकी छन् । पक्राउ पर्नेमा मलेसियाकी ४७ वर्षीया बाथुमालाई भाडिभालु रहेकी छन् ।उनलाई काठमाडौँको  ठमेलस्थित सिटी होटलबाट नियन्त्रणमा लिइएको हो । होटलमा लागु औषधको कारोबार भइरहेको छ भन्ने विशेष सूचनाको आधारमा जिल्ला प्रहरी परिसर काठमाडौँ र प्रहरी वृत्त लैनचौरको संयुक्त टोलीले उनलाई पक्राउ गरेको हो ।
उनको कोठामा ६ वटा स्कुल ब्याग फेला परेको थियो। जसभित्र फल्स बटम बनाइएको थियो।
फल्सबटम हेर्दा कोकिन बरामद भएको हो । ती महिलाबाट ५ किलो ८२० ग्राम कोकिन बरामद भएको प्रहरीले जनाएको छ। उक्त कोकिन अवैध बजारमा २० करोड ३७ लाख बराबरको हुने प्रहरीले जनाएको छ।