भेदभेदेवलाई पराजित गर्दै अल्काराज विम्बल्डन टेनिसको फाइनलमा, उपाधिका लागि जोकोभिचसँग प्रतिस्पर्धा गर्ने

काठमाडौ । स्पेनका कार्लोस अल्काराज जारी विम्बल्डन टेनिसको पुरुष सिंगलको फाइनलमा प्रवेश गरेका छन् । गएराति सम्पन्न सेमिफाइनल खेलमा रुसका डानील मेदभेदेवलाई ६–७, ६–३, ६–४, ६–४ को सेटले हराउँदै अल्काराजले फाइनलमा स्थान बनाएका हुन् । पहिलो सेटमा हार बेहोरेका अल्काराजले त्यसपछिका तीन सेट लगातार जिते । अब आइतबार हुने  फाइनल खेलमा उनले नोभाक जोकोभिचसँग प्रतिस्पर्धा गर्नेछन् । २१ वर्षीय अल्कराज विम्बल्डन पुरुष सिंगलको डिफेन्डिङ च्याम्पियन समेत हुन् ।