चितवनको सिमलतालस्थित त्रिशुली नदीमा खसेको बसको खोजीमा वाटर ड्रोन प्रयोग, ५० भन्दा बढी यात्रुको अवस्था अझै अज्ञात
काठमाडौ । चितवनको भरतपुर महानगरपालिका–२९ स्थित सिमलतालबाट त्रिशूलीमा खसेका दुईवटा बसको खोजीमा वाटर ड्रोन प्रयोग गरिएको छ । शनिबार बिहानबाट सशस्त्र प्रहरी बालका गोताखोर हरुले वाटर ड्रोन र सोनार क्यामेरा प्रयोग गरेर खोज्न थालेका हुन् । पाइपलाइन इन्फेक्सन मार्फत सोनार क्यामेराको प्रयोग गरेर खोजी कार्य थालिएको सशस्त्र प्रहरी बलका सह–प्रवक्ता शैलेन्द्र थापाले जानकारी दिए । बस खोज्न सशस्त्र प्रहरी बलका ९ जना गोताखोर सहितको टिम परिचालन गरिएको छ । नेपाली सेनाका सहित २८ जना गोताखोर परिचालन गरिएको गृह मन्त्रालयले जनाएको छ । शुक्रबार बिहान ३ बजेर ३० मिनेटमा त्रिशूलीमा दुई वटा बस खसेका थिए । काठमाडौँबाट गौर जाँदै गरेको बागमती प्रदेश–०३–००१ ख २४९५ नम्बरको गणपति डिलक्स र एन्जल वीरगन्जबाट काठमाडौँतर्फ आउँदै गरेको बागमती प्रदेश–०३–००६ ख १५१६ नम्बरको एन्जल डिलक्स नदीमा खसेका हुन् । तर, शुक्रवार १५ घण्टा खोजी गर्दा पनि बस र यात्रुको अवस्था पत्ता लाग्न सकेको थिएन । शनिवार बिहानैबाट बसको खोजी कार्य थालिएको हो । घटनास्थल नजिकै वीरगन्जबाट काठमाडौँतर्फ आउँदै गरेको एन्जल डिलसक्सको पर्दा र बच्चाको ट्रयाकुसुट भेटिएको थियो । एन्जल डिलक्समा २४ जना यात्रु सवार थिए । प्रहरीका अनुसार टिकट काउन्टरका कर्मचारीले १७ जनाको नाम र ७ जनाको सङ्ख्या मात्रै इन्ट्री गरेर चढाएको भेटिएको छ । हराएका दुवै बस खोज्न सेना, सशस्त्र र प्रहरी परिचालन गरिएको छ । गणपति डिलक्समा चालक दलका सदस्य सहित ३१ जना यात्रु सवार थिए । दुईवटा बसमा सवार ५० भन्दा बढी यात्रुको अवस्था अज्ञात छ ।
सुनसरीमा लुटपाटमा सङ्लग्न सात जना पक्राउ
पहिरोका कारण अवरुद्व पासाङ्ल्हामु मार्ग सञ्चालनमा
![युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन](https://snowberry.prixacdn.net/media/gallery_folder/itali%2520pm_xGSYUNinmq_axhlaoi4dzsmfpkiplwr0z3ex5w3fqhsewzuoujxxood2gojxfb7ez0i92xd_Q8YSPc9Hqw_j4jmfkac2u3zpwnp895qm44ophb6g9r8wpa6bfjblelp5stqjldhd3nltlj2.jpg)
युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन
सङ्गठित अपराध, आतङ्कवाद लगायत बहुआयामिक चुनौती सामना गर्न समन्वय र सहकार्य आव…
विधिपूर्वक गणेशको पूजा आराधना गरी मनाइयो गणेश चतुर्थी
![एक हप्तामा ३० हजारभन्दा बढी अफगानी शरणार्थी स्वदेश फर्किए](https://snowberry.prixacdn.net/media/gallery_folder/afagani%2520saranathi_O5FwjA9HFX_ameqbgp7e69mfraql0keark8bnrbp9yphxd7rfmiteb9obj9n4myoupz0ygd_qgdVfJEj9L_ptz7cb9ojw6lr8w6vsqqfostpwi2rhrn3c6q99kqfougm2bgxowsgdcrmgzc.jpg)
एक हप्तामा ३० हजारभन्दा बढी अफगानी शरणार्थी स्वदेश फर्किए
लामाचौर कप राष्ट्रिय भलिबलको उपाधि पुलिस क्लबलाई
![महर्षि मृकण्डका पुत्र मार्कण्डेयले कसरी सबैलाई नमस्कार गरेर चिरञ्जीवी बन्न सके ?](https://snowberry.prixacdn.net/media/gallery_folder/HARIBINOD%2520ADHIKARI%2520baa_Lu7Nu7a8lU_gsa9dlrk6ihyurzjrehy8flzf8k0doek24vaanfpevyny3wz0nagu1dvo305_qRdkVpzzZe_kwofh2jkltoe49udicdjexwxg0ujazyj3wuwxjbcmeigzj2oo3m9folmqzfk.jpg)
प्रतिक्रिया