प्रधानमन्त्री दाहालको विपक्षमा मतदान गर्न कांग्रेसद्धारा ह्विप जारी
नेपाली कांग्रेसले प्रधानमन्त्री पुष्पकमल दाहाल प्रचण्डको विपक्षमा मतदान गर्न ह्विप जारी गरेको छ । शुक्रबार प्रधानमन्त्रीले संसदबाट विश्वासको मत लिन लागेको सन्दर्भमा कांग्रेस संसदीय दलले सांसदहरुलाई बैठकमा अनिवार्य उपस्थित हुन, तटस्थ नरहन र विश्वासको मतको विपक्षमा मतदान गर्न ह्विप जारी गरेको हो ।
‘असार २८ गते शुक्रबारका दिन विहान ११ बजे प्रारम्भ हुने प्रतिनिधि सभाको बैठकमा अनिवार्य उपस्थित हुन, तटस्थ नरहन र सम्माननीय प्रधानमन्त्री श्री पुष्पकमल दाहाल प्रचण्डले नेपालको संविधानको धारा १०० को उपधारा (२) बमोजिम आफू माथि प्रतिनिधि सभाको विश्वास छ भन्ने प्रस्तावको विपक्षमा मतदान गर्न यो निर्देशन (ह्विप) जारी गरिन्छ’, कांग्रेस प्रमुख सचेतक रमेश लेखकले जारी गरेको निर्देशनमा भनिएको छ ।
नेकपा एमालेले पनि यसअघि नै विपक्षमा मतदान गर्न सांसदहरुलाई निर्देशन दिइसकेको छ । प्रधानमन्त्रीले शुक्रबार विश्वासको मत लिने भएपनि उनले बहुमत नपाउने निश्चित छ । गत असार १७ मा कांग्रेस र एमालेबीच नयाँ समीकरण बनाउने सहमति भएसँगै प्रचण्ड नेतृत्वको सरकार अल्पमतमा परेको हो ।
गुणस्तरीय र जीवनोपयोगी शिक्षा सरकारको प्राथमिकता : प्रधानमन्त्री ओली
इपिएस सम्झौताको १७ वर्ष : कोरियामा बढी कामदार पठाउने पहिलो मुलुक नेपाल
कोशी, बागमती र गण्डकी प्रदेशमा भारी वर्षाको सम्भावना
सुनसरीमा लुटपाटमा सङ्लग्न सात जना पक्राउ
पहिरोका कारण अवरुद्व पासाङ्ल्हामु मार्ग सञ्चालनमा
![युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन](https://snowberry.prixacdn.net/media/gallery_folder/itali%2520pm_xGSYUNinmq_axhlaoi4dzsmfpkiplwr0z3ex5w3fqhsewzuoujxxood2gojxfb7ez0i92xd_Jvod4OzAHt_vixq1nuzljxggotkaaxrqgd59ko00tqfp2er7sx4oos8d007q4vul9ur799i.jpg)
प्रतिक्रिया