रेस्लर एवं अभिनेता जोन सिनाले लिए डब्यूडब्यूईबाट सन्यास

अमेरिकी रेस्लर एवं अभिनेता जोन सिनाले वल्ड रेस्लिङ इन्टरटेनमेन्ट डब्यूडब्यूईबाट सन्यास लिएको घोषणा गरेका छन् । क्यानडाको मनी इन द बैंकमा उपस्थित भएका सिनाले सन्यासको घोषणा गरेका हुन । उनले २०२५ को रोयल रम्बल, एलिमिनेशन च्याम्बर र लस भेगासमा हुने रेसलमेनिया ४१ आफ्नो प्रतियोगिताको अन्तिम हुने जानकारी दिएका हुन । रु बढ्दो उमेरका कारण सन् २०१८ देखि सिना डब्यूडब्यूईमा पार्ट टाइमका रुपमा मात्रै सहभागी हुँदै आएका थिए । ४७ वर्षीय सिना सन् २००१ देखि रेस्लिङमा निरन्तर प्रतिस्पर्धा गरिरहेका छन । उनी १६ पटक विश्व च्याम्पियन बनेका छन् । सिना अभिनेता समेत हुन ।  सन् २००६ मा ‘द मरिन’ फिल्मबाट अभियनमा डेब्यू गरेका उनले आधा दर्जनभन्दा बढी ठूला हलिउड फिल्ममा अभिनय गरेका छन् ।