राडुकानु र गौफ विम्बल्डन टेनिसको अन्तिम सो¥हवाट बाहिरिए

अमेरिकी टेनिस खेलाडी कोको गौफ विम्बल्डन महिला एकल प्रतियोगिताबाट बाहिरिएकी छिन । उनी अन्तिम १६मा आफ्नै देशकी एम्मा नाभारोसँग पराजित भएकी हुन । २० वर्षीय गौफ १९औँ वरीयताकी नाभारोसँग ६–४ र ६–३ को सोझो सेटमा पराजित भएकी हुन । नाभारोले सेमिफाइनल प्रवेशका लागि इटालियन खेलाडी जस्मिन पाओलिनीको सामना गर्नेछिन् ।महिला ड्रमा शीर्ष १० मध्ये चौथो वरीयताकी एलेना रिबाकिना र सातौं वरीयताकी जस्मिन पाओलिनी मात्र अन्तिम आठमा पुगेका छन । पुरुषतर्फ कार्लोस अल्काराज क्रुवार्टरफाइनलमा प्रवेश गरेका छन् । २१ वर्षीय स्पेनिस खेलाडी अल्काराजले १६ औं वरीयताका युगो हम्बर्टलाई ४ सेटमा पराजित गर्दै अन्तिम ८ मा स्थान सुरक्षित गरेका हुन् । अल्काराजले अब सेमिफाइनल प्रवेशका लागि क्रुविन्स क्लब च्याम्पियन १२ औं वरीयता प्राप्त अमेरिकी खेलाडी टमी पलको सामना गर्ने छन् । पलले स्पेनका रोबर्टो बाउ–टिस्टा अगुटलाई ६–२, ७–६ र ६–२ ले पराजित गरेका थिए ।  यस्तै विश्व नम्बर एक यान्निक सिनरले अमेरिकाका १४औं वरीयताका बेन शेल्टनलाई ६–२, ६–४ र ७–६  पराजित गर्दै अघिल्लो चरणमा प्रवेश गरेका छन् । २२ वर्षीय सिनरले अर्को खेलमा रुसका पाँचौं वरीयताका ड्यानिल मेदवेदेवसँग खेल्नेछन् ।