अबिरल बर्षातले पर्वतको ग्रामीण क्षेत्रका बस्तीहरुमा क्षति

अबिरल बर्षातले पर्वतको विभिन्न ग्रामीण क्षेत्रका बस्तीहरुमा क्षति पुगेको छ । कुश्मा २ खुर्कोटमा २ वटा घर पहिरोले पुरेको छ । पहिरोवाट लक्षीमा दर्जी र विष्णुमाया दर्जीको घर पुरिएको हो । परिवारका सदस्य आफन्तकोमा बसेकाले मानवीय क्षति भने हुन नपाएको प्रहरीले जनाएको छ । उता, महशिला गाउँपालिकाका विभिन्न भागमा गएको पहिरोका कारण ३ वटा घरहरु विस्थापीत भएको प्रारम्भिक तथ्यांक छ । महाशिला ५ लुंखुमा २ वटा गोठ पहिरोले पुर्दा २ वटा भैसी र १३ वटा बाख्रामा क्षति भएको छ । महाशिला ४ पाखापानीमा एउटा घरमा बर्षात क्षति पुराएको छ भने बालाकोट र होश्राङदीमा समेत बर्षाले क्षति गरेको छ । पहिरोले केही घर र गोठ पुरेको हो ।