काठमाडौँको असनमा ३६५ जना कन्याको सामूहिक कुमारी पूजा

काठमाडौँको असनस्थित बालकुमारी मन्दिरमा गणेश, कुमार, भैरव, मुलकुमारी र ३६५ जना कन्याको सामूहिक कुमारी पूजा गरिएको छ । ज्योतिषीले निकालेको साइतमा शनिबार गणेश, कुमार, भैरव, मुलकुमारीसहित असनका मानन्धर, तुलाधर, प्रधानांग, कर्मचार्यलगायत नेवार समुदायका ३६५ जना कन्याहरुको सामूहिक पूजा गरिएको हो । कुमारी पूजा गर्नाले देशमा अनिकाल र रोगब्याधी नलागी शान्ति छाउने जनविश्वास रहीआएको छ । 
कुमारी पूजामा स्थानीयका साथै काठमाडौँका विभिन्न स्थानबाट आएका श्रद्धालुहरुको सहभागिता रहेको थियो ।।