युरोकप फुटवलमा आजदेखि क्वाटरफाइनलका खेलहरु सुरु

युरोकप फुटवलमा आजदेखि क्वाटरफाइनलका खेलहरु सुरु हुनेछन । पहिलो आज क्वाटरफाइनलमा आयोजक जर्मनीले स्पेनसँग प्रतिस्पर्धा गर्नेछ भने दोस्रो क्वाटरफाइनल खेल पोर्चुगल र फ्रान्सबीच हुनेछ । स्पेन र जर्मनी बीचको खेल राति ९ बजेर ४५ बजे तालिका छ । दुवै टोली जित निकाल्दै सेमिफाइनल पुग्ने लक्ष्यमा छन् । स्पेन र जर्मनी युरोको सर्वाधिक सफल टोली हुन् । दुवैले समान ३ पटक युरो जितेका छन् । जर्मनीले प्रिक्वाटरफाइनलमा डेनमार्कलाई पराजित गरेको थियो । यस्तै स्पेनले जर्यालाई पराजित गर्दै क्वाटरफाइनलमा स्थान बनाएको हो । पोर्चुगल र फ्रान्सबीचको खेल मध्यराति पौने एक बजे सुरु हुनेछ । फ्रान्सले सन् १९८४ र २००० मा उपाधि जितेको थियो । पोर्चुगलले भने सन् २०१६ मा फ्रान्समै भएको युरोमा फ्रान्सलाई हराएर पहिलो पटक उपाधि जितेको थियो ।