बेलायतमा आज आम निर्वाचन, कन्जरभेटिभ पार्टी र विपक्षी लेबर पार्टीबीच तिब्र प्रतिस्पर्धाको अनुमान
![](https://snowberry.prixacdn.net/media/gallery_folder/images_LD797VwYOQ_hqozcq2fx8lqu5oovz1nr1fxztwsqnajmrvn6astakyrezwyvcvfxqnwjdaq_P5Z1FbV3Pj_rtrdxl0jpjdfliyeaenojfdugdm945d8luchvvmhlrg56sz4isalilg546ul.jpg)
बेलायत आज आम निर्वाचन हुँदै छ । निर्वाचनमा प्रधानमन्त्री ऋषि सुनकको कन्जरभेटिभ पार्टी र विपक्षी लेबर पार्टीबीच तिब्र प्रतिस्पर्धा हुने अनुमान गरिएको छ । यो चुनावमा मुख्य प्रतिस्पर्धा ऋषि सुनकको कन्जरभेटिभ र प्रमुख विपक्षी नेता केयर स्टारमरको लेबर पार्टीबीच छ । निर्वाचनअघि गरिएको सर्वेक्षणले संसदमा लेबर पार्टीले भारी बहुमत ल्याउने प्रक्षेपण गरेको छ। सर्वेक्षण सही साबित भए, कन्जरभेटिभ प्रधानमन्त्री ऋषि सुनकको १८ महिनाको कार्यकाल समाप्त हुनेछ । बेलायतमा १४ वर्षपछिपहिलो पटक लेबर पार्टीले देशको जिम्मेवारीमा फर्किने छ । बेलायतमा विगत १४ वर्षदेखि कन्जरभेटिभले शासन गर्दै आएका छन् । स्थानीय समयअनुसार बिहान ७ बजेदेखि राति १० बजेसम्म मतदान केन्द्रमा मतदान सुरु हुनेछ । बेलायत, उत्तरी आयरल्याण्ड, स्कटल्याण्ड र वेल्स लगायत युनाइटेड किंगडमका सबै भागहरूमा हुनेछ । निर्वाचनमा बेलायतको हरेक भागमा १८ वर्ष र सोभन्दा माथिका मानिसहरूले आफ्नो सांसद चयन गर्न मतदान गर्नेछन् । कुल ६ सय ५० संसदीय सीटहरूको लागि मतदान हुन लागेको हो । सांसदहरुले बेलायती संसदको तल्लो सदन हाउस अफ कमन्समा पाँच वर्षसम्म निर्वाचन क्षेत्रको प्रतिनिधित्व गर्नेछन् ।
गुणस्तरीय र जीवनोपयोगी शिक्षा सरकारको प्राथमिकता : प्रधानमन्त्री ओली
इपिएस सम्झौताको १७ वर्ष : कोरियामा बढी कामदार पठाउने पहिलो मुलुक नेपाल
कोशी, बागमती र गण्डकी प्रदेशमा भारी वर्षाको सम्भावना
सुनसरीमा लुटपाटमा सङ्लग्न सात जना पक्राउ
पहिरोका कारण अवरुद्व पासाङ्ल्हामु मार्ग सञ्चालनमा
![युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन](https://snowberry.prixacdn.net/media/gallery_folder/itali%2520pm_xGSYUNinmq_axhlaoi4dzsmfpkiplwr0z3ex5w3fqhsewzuoujxxood2gojxfb7ez0i92xd_Jvod4OzAHt_vixq1nuzljxggotkaaxrqgd59ko00tqfp2er7sx4oos8d007q4vul9ur799i.jpg)
प्रतिक्रिया