अमेरिकी पूर्वराष्ट्रपति डोनल्ड ट्रम्पविरुद्धको मनी ट्रायल मुद्दामा सजाय निर्धारण लम्बियो

अमेरिकाको न्यूयोर्कस्थित एक अदालतले अमेरिकी पूर्वराष्ट्रपति डोनाल्ड ट्रम्पविरुद्धको हस मनी ट्रायल मुद्दामा सजाय निर्धारण गर्ने मिति लम्ब्याएको छ । यसअघि ट्रम्पविरुद्धको हस मनी ट्रायल मुद्दामा यही जुलाई ११ मा सजाय सुनाइने तय भएको थियो । तर, सार्वेच्च अदालतको फैसलापछि न्यूयोर्क अदालतका न्यायाधीशले सजायका निर्धारणका लागि १८ सेप्टेम्बरको मिति तोकेका हुन । अदालतले फैसला सुनाएपछि ट्रम्पका कानुनी टोलीले हस–मनी मुद्दामा सजायलाई उल्टाउन माग गरेका थिए । न्यायाधीश जुआन मर्चनले सुनुवाइका क्रममा सो मुद्दामा सजाय आवश्यक छ भने सेप्टेम्बर १८ मा सजाय सुनाइने बताएका हुन् । गत मे महिनामा न्यूयोर्क अदालतको एक जुरीले ट्रम्पलाई हस मनी ट्रायलसम्बन्धी मुद्दामा दोषी ठहराएको थियो । अदालतबाट कुनै पनि मुद्दामा दोषी ठहरिने उनी पहिलो अमेरिकी पूर्वराष्ट्रपति हुन् । सोमबार सर्वोच्चले ट्रम्पले आफ्नो राष्ट्रपतीय कार्यकालमा गरेका आधिकारिक कामलाई छुट दिने तर अनधिकृत कामलाई छुट नदिने फैसला सुनाएको थियो । यसवाट  ट्रम्पलाई क्यापिटल हिल दंगामा केही हदसम्म छुट हुने देखिएको छ । हस मनी ट्रायल ट्रम्पको निजी मामिला रहेका कारण सो मुद्दाको फैसलामा सर्वोच्चको निर्णयले कुनै असर नगर्ने बताइएको छ ।