युरोकपको आजको खेलमा स्पेन र जर्जिया भिड्दै

युरोकपमा आज स्पेनले  जर्जियाको सामना गर्दैछ । दुई टोलीविचको खेल राती पौने एक बजे जर्मनीमा सुरु हुनेछ । अल्बानिया, साबिक विजेता इटाली र क्रोएसियालाई पराजित गर्दै अन्तिम १६ मा पुगेको स्पेन चौथोपल्ट युरो कप जित्ने लक्ष्यमा छ । जर्जियालाई समूह ‘एफ’ मा टर्कीसँग हारेपनि चेक रिपब्लिकलाई बराबरीमा रोक्दै र पोर्चुगललाई हराउदै अन्तिम १६ मा पुगेको हो । स्पेनले यस प्रतियोगिताको छनोट चरणमा दुई पटक जर्जियाको सामना गरेको थियो। नोभेम्बर २०२३ मा भएको दुवै खेलमा स्पेन विजयी भएको थियो । जारी युरोकप अन्तर्गत आज इङल्याण्ड र स्लोभाकियाबीच खेल हुदै छ । नेपाली समय अनुसार यो खेल राति ९ः ४५ बजेदेखि शुरु हुदै छ । इङल्याण्ड समुह सी मा शिर्ष स्थानमा रहदै नक आउट चरणमा पुगेको हो । इङल्याण्डले एक खेल जितेको थियो भने २ खेलमा बराबरी खेलेको थियो । त्यस्तै स्लोभाकिया समुह इ मा तेस्रो स्थानमा रहेर नक आउटमा पुगेको हो । स्लोभाकियाले समुह चरणका ३ खेल मध्ये एक खेलमा जित, एक बराबरी र एक हर बेहोरेको थियो । इङल्याण्ड र स्लोभाकियाबीच अहिलेसम्म ६ खेल भएको छ । जसमा इङल्याण्डले ५ खेल जितेको छ भने एक खेल बराबरी भएको थियो । इङल्याण्डले अहिलेसम्म युरोकपको उपाधि जित्न सकेको छैन भने अघिल्लो युरोकपको उपविजेता बनेको थियो ।।