पेरुलाई हराउदै अर्जेन्टिना  कोपा अमेरिका फुटबलको क्वाटरफाइनलमा

कोपा अमेरिका अन्र्तगत आज विहान भएको खेलमा अर्जेन्टिनाले जित निकालेको छ । बिहान अमेरिकाको हार्ड रक स्टेडियममा भएको खेलमा अर्जेन्टिनाले पेरुलाई २–० गोल अन्तरले पराजित गरेको हो । अर्जेन्टिनाका लागि लौटारो मार्टिनेजले ४७ औँ र ८६ औँ मिनेटमा गोल गरेका हुन । कोपा अमेरिका फुटबलमा विश्व नम्बर एक अर्जेन्टिना अपराजित छ । अर्जेन्टिनाको यो जितसँगै ९ अंकका साथ ग्रुप ए बाट क्वार्टरफाइनलमा प्रवेश गरेको छ । त्यस्तै आज बिहान भएको अर्को खेलमा चिली र क्यानडाबीचको खेल बराबरीमा सकिएको छ । खेलमा दुवै टोलीबाट गोल हुन नसकेपछि ०–० गोलको बराबरीमा खेल सकिएको हो । चिलीलाई गोलरहित बराबरीमा रोक्दै अन्तिम आठमा स्थान बनाउन सफल भयो । चिली र पेरु भने समूह चरणबाटै बाहिरिएका छन ।।