आज स्वर्गिय नेता मदन भण्डारीको ७३ औँ जन्मजयन्ती

नेकपा एमालेले आज विभिन्न कार्यक्रम गरी स्वर्गिय नेता मदन भण्डारीको ७३ औँ जन्मजयन्ती मनाउँदैछ । जन्मजयन्तीको अवसरमा नेकपा एमालेसहित मदन भण्डारी फाउण्डेसनले विविध कार्यक्रमको आयोजना गरेको छ । नेकपा एमालेका तत्कालिन महासचिव भण्डारीले ‘जनताको बहुदलीय जनवाद जबजको प्रतिपादन गरेका थिए । भण्डारीले प्रतिवादन गरेको ‘नेपाली क्रान्तिको कार्यक्रम जनताको बहुदलीय जनवाद’ अहिले पनि एमालेको मार्गदर्शक सिद्धान्तका रुपमा रहेको छ । भण्डारीको जन्म विक्रम संवत २००९ साल असार १४ गते ताप्लेजुङको ढुङ्गेसाँघुमा भएको थियो । २०५० साल जेठ ३ गते पार्टीको कामको सिलसिलामा पोखराबाट चितवन जाने क्रममा दासढुंगा दुर्घटनामा मदन र संगठन विभाग प्रमुख जीवराज आश्रितको निधन भएको थियो ।।