मोरंगको रङ्गेलीमा १५ सय केजी गाँजा बरामद

मोरंगको रङ्गेली प्रहरीले १५ सय केजी गाँजा बरामद गरेको छ । इलाका प्रहरी कार्यालय रंगेलीले अहिले सम्मकै ठूलो परिणाममा गाँजा सहित एक जना लाई पक्राउ गरेको हो । धनपालथान गाँउपालिका वडा नम्बर ७ स्थित कमलपुर टोल बस्ने बर्ष ३० का राजकुमार सिंहले आफ्नो घरमा लुकाइ राखेको अवस्थामा प्रहरीले ४९ बोरा गाँजा बरामद गरेको हो । सिंहले करेसा बारीमा भएको बाँसको टाटीले बारेको टिनको छानो मुनि गहुँको भुस राख्ने भुसगोठ भित्र लुकाएर राखेको अबस्थामा १५ सय ४८ केजि गाजा बरामद भएको हो । पक्राउ परेका सिंहमाथि थप अनुसन्धान भैरहेको प्रहरीले जनाएको छ ।