युरो कप २०२४ मा फ्रान्सको विजयी सुरुआत

उपाधि दाबेदार मध्येको एक फ्रान्सले युरो कप २०२४ मा विजयी सुरुआत गरेको छ । जर्मनीमा जारी युरोको समूह डीमा सोमबार फ्रान्सले अस्ट्रियालाई १–० ले हराएको हो । आत्मघाती गोलमा फ्रान्स विजयी भएको हो । उसका लागि म्याक्सिमिलेन वेबरले आत्मघाती गोल उपहार दिएका हुन । खेलका दौरान नाकमा चोट लागेपछि एमबाप्पेलाईरु अस्पताल लगिएको थियो । उनकोरु नाकको शल्यक्रिया गर्नु पर्ने बताइएको छ । राति नै बेल्जियम आफ्नो पहिलो खेलमा स्लोभाकियासँग स्तब्ध भएको छ ।  समूह ई को त्यो खेलमा बेल्जियमले १–० को हार बेहोरेको हो । ईभान स्क्ररान्जले सातौं मिनेटमा गरेको गोलमा स्लोभाकिया विजयी भएको हो । बेल्जियमका रोमेलु लुकाकुले गरेका दुई  गोल भिएआरले मान्यता दिएन ।  अर्को खेलमा रोमानियाले युक्रेनमाथि ३–० को जित निकालेको थियो । रोमानियालाई जित दिलाउन कप्तान निकोला स्टान्सिउ, रेजभान मरिन र डेनिस ड्रगुसले गोल गरे ।जितसँगै समूह ‘इ’ को रोमानियाले तीन अंक जोड्यो । युक्रेनले हारबाट प्रतियोगिताको सुरुआत गरेको छ ।