चिनियाँ र भारतीय लगानीमा ३ वर्षमा भित्रियो २७ क्विन्टल अवैध  सुन

त्रिभुवन अन्तरराष्ट्रिय विमानस्थल सुन तस्करहरुका लागि सहज माध्यमका रुपमा उपयोग भएको  तथ्य भेटिएको छ । नेपाल प्रहरीको केन्द्रीय अनुसन्धान व्यूरो ९सीआइबी०ले गरेको अध्ययनले नेपाल सुन तस्करहरुका लागि अखाडाका रुपमा प्रयोग भइरहेको तथ्य भेटिएको हो ।  पछिल्लो ३ वर्षमा मात्रै त्रिभुवन अन्तरराष्ट्रिय विमानस्थलबाट २७ क्विन्टल अवैध सुन नेपाल भित्रिएको छ । उक्त परिमाण  अझै बढ्न सक्ने सीआइबी स्रोतले जनाएको छ ।

अध्ययनले  सुनको अबैध कारोबारमा चिनियाँ र भारतीय नागरिकको संलग्नता देखिए पनि  नेपाली नागरिकका प्रयोग भने सुनलाई त्रिभुवन अन्तरराष्ट्रिय विमानस्थलबाट छुटाउनका लागि मात्र   विचौलियाको रुपमा भएको देखाएको छ ।

तस्करीका सुन चीनबाट ल्याएर भारतमा लगेर बिक्री गरिन्छ तर यस्ता सुन नेपालमा कम खपत हुने भएपनि विचौलियाले नेपाललाई सुन तस्करीको अखडाको रुपमा प्रयोग गर्दै आएको अध्ययनले देखाएको छ ।

अध्ययनको क्रममा तस्करहरुले विभिन्न उपाय अपनाएर सुन तस्कर गरेको पाइएको छ ।तस्करहरुले पछिल्लो समय मोटरसाइकलको ब्रेक सुदेखि विभिन्न तरिकाबाट अबैध रुपमा सुन भित्र्याउने गरेका छन् ।   
सीआईबीका अनुसार सो अवधिमा तत्कालीन मूल्यमा करिव २६ अर्ब रुपैयाँ बराबरको सुन अबैध रुपमा त्रिभुवन विमानस्थलबाट नेपाल भित्रिएको छ । सोवापत सरकारले सुन आयातको १५ प्रतिशत ९यो बजेटभन्दा अघि० भन्सार राजस्ववापत करिव ४ अर्ब रुपैयाँ बराबरको राजस्व गुमाएको छ ।