झोलुंगे पुलमा फसेका ९ खच्चडको उद्धार

कर्णाली नदीमाथिको झोलुङ्गे पुलको लट्ठा चुँडिदा १३ वटा खच्चरहरु फसेका छन् ।  अछामबाट आइतबार दैलेखको खिड्की जीउला बजारवाट सामान ल्याउदै गरेका खच्चडहरु पञ्चदेवल नगरपालिका र दैलेखको आठबीस नगरपालिका जोड्ने कर्णाली नदीमाथिको झोलुंगे पुलको लठ्ठा चुँडिएपछि जालीमा खुट्टा छिर्दा फसेका हुन् । जालीमा छिरेर अड्किएका ती खच्चडको उद्धारमा सुरक्षाकर्मी र स्थानीय लागेका छन्।  फसेका १३ मध्ये दुई वटा खच्चड मरेका छन् भने अहिलेसम्म ९ वटा खच्चडको उद्धार गरिएको छ । अन्य खच्चडको उद्धार कार्य जारी रहेको छ । ती खच्चडहरूलाई नदीमा खसाल्न जोखिम भएकाले डोरीमा बाँधेर निकाल्ने प्रयास गरिएको छ ।