विशेषमा मुद्दा फर्स्योट तीव्र, १०४ थान मुद्दा मात्र विचाराधीन

विशेष अदालतले मुद्दा फर्स्योटमा ऐतिहासिक रेकर्ड कायम गरेको छ । विशेषले दर्ता अनुपातमा पहिलो पटक मुद्दा सङ्ख्या तीव्र रूपमा घटाएको छ ।  जेठ २० गते यता १०४ थान मुद्दा मात्र अब विशेषमा विचाराधीन छन । विशेष अदालतमा दायर मुद्दा छ महिनाभित्र फर्स्योट गर्नुपर्ने कानुनी व्यवस्था छ । कानुनले तोकेको समयसीमाभित्र मुद्दा सक्ने लक्ष्य पछिल्लो समय अदालतले लिएको छ । इजलास व्यवस्थापन र म्याद तामेललगायतका प्रशासनिक काममा अदालतले दिएको तदारुकताले मुद्दा फस्र्योटमा शीघ्रता आएको होरु। अहिले विशेषले सकेसम्म उपत्यकाका हकमा आफैँले म्याद तामेलको नीति लिएको छरु।  न्यायपरिषद्को सिफारिसमा २०८० साल मङ्सिर १३ गतेको मन्त्रीपरिषद्ले अध्यक्ष टेकनारायण कुँवरसहितका छ न्यायाधीशलाई विशेष अदालतको कामकाजमा तोकेको थियो । त्यसयता सो समूहले मङ्गलबारसम्म ३३९ थान मुद्दा फस्र्योट गरेको छ । चालु आर्थिक वर्ष २०८०÷८१ भरिमा मुद्दाको कुल फस्र्योट ४४१ पुगेको छ । कुँवर नेतृत्वका टोली विशेषमा आउँदाको लगत भने ४३४ रहेको छ ।  विशेषमा अब दुई वर्ष नाघेको मुद्दा एक थान मात्र बाँकी छरु। विचाराधीनमध्ये गैरकानुनी सम्पत्ति आर्जनमा १३ मुद्दा छनरु। जसमा दुई वर्ष नाघेका मुद्दा बाँकी छैनन । यस्तै निर्णयगत अनियमिततामा ६२ थान मुद्दा छनरु। जसमा दुई वर्ष नाघेको एउटा मुद्दा छ । नक्कली प्रमाणपत्रका मुद्दा १३ थान बाँकी छन । घुस तथा रिसवतका मुद्दा १२ थान बाँकी छन । सम्पत्ति शुद्धीकरणका छ थान मुद्दा विशेषमा विचाराधीन छन ।