नेपाल र नेदरल्याण्डविचको क्रिकेट हेर्न ठुलो संख्यामा नेपाली डल्लासमा

आज बेलुका हुने नेपाल र नेदरल्याडसको विश्वकप क्रिकेट हेर्न ठुलो संख्यामा नेपाली दर्शक डल्लासको रंगशाला पुग्ने भएका छन । क्रिकेट प्रतियोगिताका लागि सबै टिकट बिक्री भैसकेको बताइएको छ । टेक्सास राज्य विशेष गरी यसको प्रमुख सहर डालासमा बाक्लो संख्यामा नेपाली रहेका कारण टिकट पहिले नै बिक्री भएको हो । नेपाली क्रिकेटले विश्वकप खेल्न लागेको अवसरलाई महोत्सवको रूपमा लिएको हुनाले सबै रंगशालामा गएर हेर्न खोज्दा पनि टिकट अभाव देखिएको बताइएको छ । आज बेलुका नेपाल र नेदरल्यान्ड्सबीच १५ हजार दर्शक क्षमताको डालासको ग्रान्ड प्रेरीमा हुने खेलमा दर्शक भरिभराउ हुने अनुमान गरिएको छरु। नेदरल्यान्ड्ससँगको खेलमा ९० प्रतिशत दर्शक नेपाली हुने अपेक्षा अमेरिकामा रहेका नेपालीहरुले गरेका छन । नेपाली टोलीको समर्थन गर्न युरोप र अष्ट्रेलिया लगायतवाट समेत नेपाली अमेरिका पुगेक छन । नेपाल र नेदरल्याडसविच हुने खेलको टिकट १ सय ९५ डलरसम्ममा बिक्री भएको छ । अमेरिकामा भएको खेलको टिकट ३५ डलरबाट सुरु भएपनि नेपालको पहिलो खेलको टिकट भने पहिले नै सकिएको हो ।

कप्तान पौडेलको प्रतिक्रिया 

नेपाली राष्ट्रिय पुरुष क्रिकेट टिमका कप्तान रोहित पौडेलले विश्वकपको खेलअगाडि आफूहरू उत्साही रहेको प्रतिक्रिया दिएका छन् । नेदरल्यान्डसँगको खेलअगाडि प्रतिक्रिया दिँदै कप्तान पौडेलले सबै नेपाली खेलाडीहरू खेलका लागि उत्साही रहेको प्रतिक्रिया दिएका हुन । विश्वकपमा राम्रो प्रदर्शन गरेर गौरव गर्न सक्ने वातावरण बनाउने उनको भनाइ छ ।
कप्तान पौडेलले नेपाली टिम सन्तुलित र सबै जना उत्तिकै क्षमतावान रहेको पनि बताए । नेदरल्यान्डस पनि उत्तिकै राम्रो टिम भएको उल्लेख गर्दै पौडेलले कारण दबाब झेल्न सक्ने टिम नै विजयी हुने समेत बताए । उनले आफूहरूले विश्वकपका खेलका लागि योजना बनाएको र त्यसको कार्यान्वयन गर्न सके जित निकाल्न सक्ने प्रतिक्रिया दिए । १० वर्षपछि विश्वकप खेल्न पाउँदा उत्साहितसँगै जिम्मेवारी बोध नेपाली टोलीमा रहेको उनको भनाइ छ । कप्तान पौडेलले मैदानमा दर्शकहरूको समर्थन पाउनेमा पनि आफू आशावादी रहेको बताए । 

 ,